Tuesday, January 20, 2015

同非食玩迷講食玩

除了FB班食玩朋友,身邊都有2個朋友喜歡及收藏(但不多)。除此之外完全沒有朋友知道這種玩具或有任何興趣。

雖然是這樣,我還是會跟同事們分享一些我的傑作,換來的是一片片的歡笑聲還有一連串的問題和批評(大部份都好好笑,所以不會怪他們),最近他們就看了這個景。


-做乜個手袋咁掛法(紫色)
-嘩嗰2個人個頭好大!
-紫色嗰個帶咗假髮
-咦,坐埋邊嗰個佢個女嚟㗎?做乜特別細嘅?
-仲有劉生第一句就話,擺明就係全部細路,邊有成人坐呢款凳個後尾枕挨住凳背㗎?!

最過癮就係佢哋唔講,我覺得所有嘢都好make sense,但係當佢哋指出嘅時候我又會覺得係喎!可能真係只有我自己一個覺得無問題😕 人哋一睇就覺唔妥,哈哈哈!

好再來!

-吓?鴨腳札?分明就係蟹鉗啦!
-糯米雞唔似(呢個我同意)



-做乜腸粉lum定鼔油嘅?
-春卷好大舊

當然還有其他零零碎碎的意見

每次聽他們的意見都會笑,我相信有限的配件是敗筆之處,我又唔叻DIY,沒辦法做到真實,搵日要俾姜斯拉個報紙檔佢哋睇吓,肯定佢哋O咀無聲出!

10 comments:

姜C9 said...

好認同你老公的評語, 因為我自己都好留意呢點的. 所以我好少用MIMO 公仔, 其實我同你一樣都唔會DIY, 因為我對DIY 無耐性, 而且我鐘意食玩是因為REMENT同MIMO好真實,可以實現童年無玩具玩, 可以砌自己的dollhouse, 糸自己鐘意做的事, 用自己有的玩具, 可以玩足一日, 影下相, 已經好滿足了。 我都有給我朋友看了報檔, 她說: 把風扇好膠喎, 唔糸鐵造?? 另一個話:點解無煙仔, 我話有, 佢再看又話無, 我放大給她看, 佢話你影到咁細架! 我估你同事看過, 會問點解無東週等等, 呢啲咩雜誌? 無紙巾賣?火機呢?? (我都有火機, 不過費事揾, 下次會影)點解無人架???哈哈

藍水晶 said...

哈哈哈哈,笑死我 !你已經唸埋佢哋會有可能講嘅嘢,我遲啲一定要證實一下再同你報告!
你洗乜DIY吖,夠晒配件用啦!我好鍾意睇你啲景因為有晒我童年喺香港嘅回憶,我自己又無買到嗰堆系列,睇你嗰啲景啱晒,我老公都睇咗個報紙檔好耐,好快睇倒嗰幾包煙(因為之前食煙)
其實一開始都無唸住有公仔㗎,直至睇倒吹吹風個奈奈好靚就叫老公去求其幫我買個嚟玩吓。後來睇倒你嘅冬冬又好靚啲手手腳腳又彎得都覺得好正㗎,但係都買開mimo咯,咪唯有一直買mimo囉…

Kenmerry 拉姑 said...

佢地的問題真係"唔講又唔覺, 講開又好覺", 哈哈哈 :)...
証明佢地有用Heart睇的, 否則只會爆句"你仲細呀, 玩埋D咁嘅o野" :(

我係食玩新丁, 無咩配件, 又無公仔, 要向大家多多學習!!! (敬禮)

Unknown said...

KRIN也有一套OCARA的飲茶食玩,一直想用它做景,但是想佩BARBIE做個老番飲唐茶景,可惜一直未有行動,今次見你這個景,又心思思想做了

藍水晶 said...

係咩係咩?原來你係新丁啊?hihi (揮手)我覺得個個啲經驗都多過我咁,祝你買多啲,遲吓成屋都係,同我哋分享:p
我都跟呢度啲人學咗好多嘢,好多樂趣㗎!

藍水晶 said...

有好嘢就快啲show出嚟俾我哋睇吓啦!^^

Unknown said...

其實如果比D唔係喜歡食玩既朋友睇,佢地總唔多明白要砌一個場景所花既心機同時間,一個普通既場景好多時都要花大半天才完成,但對我們喜歡食玩既朋友來說就係一件很快樂的事,花心思完成一件作品給同好既朋友分享,總是一件好開心既事。

藍水晶 said...

同意!呢個興趣得我哋呢班人明:D

littlehouse said...

雖然佢地唔係食玩迷, 但起碼都有評語比你, 証明佢地有心去留意你作品, 我連會比評語的格外人都無...不過都好彩認到你地呢d blog友

藍水晶 said...

係啊,好彩yahoo無咗都搵得返你哋,呢個嗜好算好冷門,搵唔倒你哋真係無人分享