Sunday, January 18, 2015

最近生活

又荒廢了個blog一段時間,皆因真的沒有值得寫的東西,加上懶,寫了也沒有人看,算,寫給自己。
2014後半年沒有什麼特別的事情發生,只除了開始每個星期打打羽毛球,運動量多了一點不過還不如行山,連跟幾個月沒見的朋友聊天,我也是這樣告訴她們,everything is the same. 我覺得久而久之朋友都覺得我沒趣,nothing ever happens,朋友少了找我,我也一向很少找人。為什麼呢?我喜歡的東西偏冷門,又是一個人可以做的事,彈琴,玩食玩,看書,看電視,打Sims,看!完全宅女所為。找不到擁有相同興趣的人,怎麼有話題?難怪朋友都疏遠我,我實在是一個太悶的人了!
嘩,扯到無雷公咁遠添!
2014其實還是開心的,戶外活動多了一點,運動時又不用聊天,OK的。
2014尾到現在就逐漸忙著劉生的事,應該會更少跟朋友聚會,過些時日看看有什麼值得的事應該blog一下。
2015頭收到個消息,香港的外婆證實有腦退化症,有天清早輕微中風入了急症,到現在已經個多禮拜了吧,剛巧媽咪在港可以轉告外婆的情況給我們。一開始情況非常不樂觀,行為嚴重失常,胡言亂語,還不認得幾個人。經過幾天,醫生告知說舊年10月應該開一種甲狀腺藥給外婆,可是忘了開!就是因為一直沒有服食這種藥,對大腦已經造成影響,還有中風,才會導致現在外婆行為思想這麼亂!我阿姨說會考慮告那個醫生… 現在外婆當然開始吃這個藥,不會立刻沒事,但醫生說會漸漸變回正常,不會這麼亂,希望她可以早點回家吧。
好,發完牢騷,等我貼最近砌的一個景上來

多得blog友告訴我公仔對腳可以拆開,我對這個景幾滿意,好似好暖,IKEA塊景版又可以多用途,不錯!


9 comments:

姜C9 said...

你個BLOG又點會無人看呢..同你一樣. 我都少BLOG 咗, 因為部電腦中咗招, POSE 唔到相, 有待老公得閒先.. 唔知點解你講GE 野同我都好相似.. 看後得有同感. 雖同你同日生.. 但我應該大你好多年.. 但唔知點解好多都同你一樣. 我都覺得己經無朋友咁. 因為格格不入.. 人家也覺無興趣.. 而我本身也是對人家的事一點興趣也沒有. 只愛在家玩, 同看電視.. 連電話都無打過一個.. 一年內可以平平淡淡過. 是相當感恩哦.. 我日日都要食住打(毒)葯. 仲要無得好呢.. 醫生話一世都要跟住佢.. 你話糸咪平平淡淡的是好呢.

Kenmerry 拉姑 said...

呢個懶懶熊被爐我日日經過都好想買...

我Grandma早幾年得了腦退化症, 我都好難過, 但沒辦法, 人生本是如此, 只好安慰自己"佢唔認得我唔緊要, 我認得佢咪得囉"...

以前有得玩飛身撲出, 而家過時過節朋友搞Party我都懶去, 一來遠, 二來好似開家長會咁, 聖誕節我都係2支公行下山咋~

Unknown said...

真係好少見你呀...

難得砌景,仲有好多人支持你,我就係其中之一,其實生活無所謂平唔平淡,只要自已樂在其中,一樣可以精彩......

藍水晶 said...

而家先知道你又名拉姑,嘻嘻咁橋嘅,我係咁叫我最細嘅姑姐㗎。
呢張枱係托人喺香港買俾我,唸咗好耐先買,因為其實我想要早期無熊仔樣嗰張,但係太難買倒所以唯有要呢張。
哦原來你grandma都係咁,唉…真係好無奈…
我都一樣,太大嘅party都會推,情願留喺屋企。
多謝你留言俾我啊^ _ ^

藍水晶 said...

多謝你哋嚟啊,我成日個腦都想砌㗎,不過手腳慢又懶,通常睇住電視嚟砌,唔夠專心,咪成日交白卷囉,XD

藍水晶 said...

真係洗唔洗咁似啊!連電腦有事都要一齊,我哋實在太有緣啦!hahaha 我衰到過去嘅3個月裡面就中咗2次毒,都怪自己唔識亂禁啲制,好彩細佬係IT人,麻煩佢幫我清咗部機2次,我都唔係好敢用嚟做太多嘢。
我又係差唔多,極少搵人囉,但係邊有人咁好長期都搵你吖,梗會疏遠,我都無得怪人。
我又覺得我大過你喎,我好大個㗎啦,但係我哋都好有童心啊。嘻嘻
原來你身體唔好…記得盡量開朗啲啊!我都一樣要提自己唔好乜都擔心一餐:( 人大咗真係覺得平淡咁過已經好足夠,加拿大呢邊俾香港悶好多,以前成日嘈住悶想出街,而家都無lu。
我成日同我老公講喺網上識倒一個叫姜斯拉嘅食玩朋友同我同月同日生日,好多嘢都好似。我真係好開心㗎!希望一直都睇倒你啲靚爆場景^^

littlehouse said...

個背境板好正呀!
我想我地呢班玩食玩的人都算少數族類, 我朋友圈內真的無人玩呢, 真的好難有共同話題, 但我好開心在網絡世界內認識大家. 大家共同喜嗜, 有共嗚! 只是有時間你都砌啦, 慢唔緊要, 最重要係自己可以娛樂, 又可同大家分亨.

藍水晶 said...

多謝你嘅鼓勵,我好同意你嘅講法,同我哋呢班玩具迷暢所欲言真係好開心啊!

thesprawn said...

我今日無意中發現到你這個blog。
你不獨單的呀!
朋友不一定日日見才叫朋友的,只要心中有你,就巳經足夠吧!