Tuesday, November 10, 2015

孤立無援

今天心情有點差。

昨天上司告訴我她要放病假,話就話2—3個月,但我覺得她不會回來,因為她一直想退休。

所以她走了後,我就獨自面對一班捲曬俐的大陸人,只有我一個香港人,和他們完全傾唔埋,最重要是我的國語是有限公司,不可能100%聽懂,想搭嘴都未必揾倒位入。Warehouse裡面還有2個香港人一個廣州人,不過其中2個都好騎呢,我都是保持距離的。之前個妹妹同我一樣很小就移民,大家好像土生,什麼都討論,現在就沒有那麼開心了。

將沒有任何同聲同氣的人一起工作,我將會好沉默好孤單。

其實我最大的concern是身在大陸的大老闆,因為聽聞好難搞,我從來很少需要跟他接觸,都是上司應付的,唯有見步行步。

6 comments:

Unknown said...

其實,不管別人,順著自己的心意去走,可以行出一條更順心的路...
所謂....心寛路更寬....

藍水晶 said...

多謝你,我都係打算做得幾多得幾多,希望一切順利。

姜C9 said...

我在公司都糸成日唔多出聲, 其實打工都糸為咗揾錢. 而家心態真糸同事只糸同事, 即公事上先溝通. 其他無謂, 費事了. 始終我真糸唔想同人混熟了... 所以我覺得做自己野. 見步行步, 靠人不如靠自己.. 加油

藍水晶 said...

絕對同意你講同事只係同事,我自己都分得好開既,我既打算就係如你所講,見步行步,唔會點傾計架啦。

littlehouse said...

唔洗灰心, 做人, 做咩都好都一定有變化, 所以抱持平常心, 出來打工又不一定如願以賞, 做到真的頂唔到先算啦....唔洗咁早就擔心.

藍水晶 said...

謝謝小屋,manager已經last day咗嚕,往後既日子就得自己,不過我會做得幾多得幾多架啦,同事又 唔係朋友,少說話多做事算。